Alegría, tristura, calma, medo, rabia...cantas emocións somos capaces de sentir! Hoxe queremos poñernos en situación e identificar cada un dos nosos estados de ánimo!
Serías quen de axudarlle ao monstro de cores a organizar as súas emocións?? Enche cada frasquiño da cor da emoción correspondente e escribe o seu nome.
Agora propoñémosche catro emocións, cada unha organizada no seu frasquiño. En cada recadro debes debuxar algo que che suscite ou che provoque cada unha das emocións. Podes recortar con tesoira os frasquiños e pegalos ao carón do debuxo feito por ti co que se identifique...
Agora poñémoslle música ás emocións! Atréveste a cantar con nós?
Unha das emocións que mellor nos fai sentir é o estado de calma. Para eses momentos onde vos invadan outras emocións como a rabia ou o medo propoñémosvos un xogo... E se confeccionamos a nosa propia pelotiña antiestrés? Relaxa moito!
Ademais, seguro que hai algo que vos está pasando por dentro a todos, e son as ganas de saír a movervos...! Aquí vos vai unha proposta para correr detrás do monstro!
O monstro tamén fala inglés, ou pensades que as emocións non entenden de idiomas?
Aquí tedes o seu nome en inglés. Se pinchades nos diferentes nomes poderedes escoitar como se di.
Pero...acordádesvos? Imos probar. Picade na imaxe e intentade poñerlle a cada monstro o seu nome. Sorte!
